«Реал» капитаны шынтақпен қарсыласының мұрнын бұзды
Футболшы ары қарай ойнай алмады.
Мадридтік «Реалдың» қорғаушысы Серхио Рамос Чемпиондар лигасы топтық кезеңінің төртінші тур матчінде «Виктория» ойыншысы Милан Гавелдің мұрнын бұзды.
Оқиға бірінші таймның ортасында болды. Испаниялық алаңның өз бөлігінде допқа таласқан сәтте қарсыласына шынтағын сілтеп, мұрнына тиген. Дәрігерлер мұрнының қансырауын тоқтатқан соң, чех ойынды жалғастырды. Бірақ бірінші таймның соңында алмастырылды.
Алайда бас төреші Дениз Айтекин ереже бұзылғанын тіркемеді және Рамосты жазаламады.
