29 желтоқсан, 2025
Қырғызстанда экс-президент Алмазбек Атамбаев мемлекеттік наградаларынан айырылды, деп хабарлайды kznews.kz.
Ел президенті Садыр Жапаровтың жарлығымен бұрынғы мемлекет басшысы «Қырғыз Республикасының Батыры» атты ең жоғары айрықша атағынан, сондай-ақ «Манас» орденінің II дәрежесінен, «Данакер» ордені мен «Даңқ» медалінен айырылды.
Шешім ресми түрде қабылданып, мемлекеттік марапаттар туралы қолданыстағы заңнамаға сәйкес жүзеге асырылғаны айтылды.
Айта кетейік, Алмазбек Атамбаев Қырғызстанды 2011–2017 жылдары басқарған. Кейінгі жылдары оның есімі бірқатар қылмыстық істер мен саяси жанжалдармен жиі аталып жүр.
