Қырғыз Республикасының бұрынғы президенті Алмазбек Атамбаев барлық мемлекеттік наградаларынан ресми түрде айырылды. Тиісті жарлыққа Қырғыз Республикасының Президенті Садыр Жапаров қол қойды., деп хабарлайды kznews.kz.
Құжат Бішкек қаласының Бірінші май аудандық сотының 2025 жылғы 3 маусымдағы үкімін орындау мақсатында қабылданған. Жарлық Қырғыз Республикасының «Мемлекеттік наградалар, құрметті атақтар және мемлекеттік сыйлықтар туралы» заңының 27-бабы мен ел Конституциясының 71-бабына сәйкес әзірленген.
Жарлыққа сәйкес, Алмазбек Атамбаев Қырғыз Республикасының келесі мемлекеттік наградаларынан айырылды: «Қырғыз Республикасының Батыры» ең жоғары айрықша дәрежесі, II дәрежелі «Манас» ордені, «Данакер» ордені және «Даңқ» медалі.
Сондай-ақ осы марапаттарды беру туралы бұрын қабылданған бірқатар президенттік жарлықтардың күші жойылды. Атап айтқанда, 1999, 2007, 2011 және 2017 жылдары қабылданған құжаттар аннуляцияланды.
Жарлықта Қырғыз Республикасы Бас прокуратурасы жанындағы Сот орындаушылары қызметіне аталған мемлекеттік наградалар мен оларға қатысты құжаттарды белгіленген тәртіппен тәркілеу және кейін Мемлекеттік наградалар қорына тапсыру тапсырылған.
Құжатқа сәйкес, жарлық қол қойылған күннен бастап күшіне енеді.
Бұл шешім Қырғызстан тарихында бұрынғы мемлекет басшысының барлық жоғары мемлекеттік марапаттарынан ресми түрде айырылуы бойынша маңызды прецедент ретінде бағаланып отыр.
