Қазақстанда ақпараттық қауіпсіздік пен мемлекеттік материалдық резервті бақылау өкілеттігі енді Ұлттық қауіпсіздік комитетіне жүктелді. Бұл туралы 2025 жылғы 25 желтоқсанда қабылданған Президент жарлығында көрсетілген, деп хабарлайды kznews.kz.
Құжатқа сәйкес, Жасанды интеллект және цифрлық даму министрлігінің аса маңызды ақпараттық-коммуникациялық инфрақұрылым объектілерінің ақпараттық қауіпсіздігіне қатысты мемлекеттік бақылау функциялары ҰҚК-ға берілді.
Сонымен қатар Комитет мемлекеттік материалдық резервке де жауапты болады. ҰҚК-ға резерв құндылықтарын сақтау көлемі мен номенклатурасын айқындау жөнінде ұсыныстар енгізу, сондай-ақ олардың сақталуы мен бөлінбеуін қадағалау құқығы берілді.
