29 желтоқсан, 2025
Танымал әзілкеш Тұрсынбек Қабатовтың жеке өміріне қатысты дау әлеуметтік желіде әлі де басылар емес. Әсіресе оның екінші жары Айманға бағытталған сын мен ауыр пікірлер қоғамда кең талқыланып жатыр. Осы жағдайға байланысты Қабатовтың жұбайы да үн қатып, өзін айыптағандарға қатысты заңды шара қолданатынын мәлімдеді, деп хабарлайды kznews.kz.
Желіде Айманға қарсы пікір қалдырғандардың бірі оны қатты сынға алып, жеке басына тиісетін жазба жариялаған. Онда:
«…бес баланың бақытын быт-шытын шығарған адам қалай бақытты болады… бес баланың көз жасы жібермейді… ақшаға бола тиген ғой…», – деген сарындағы ауыр сөздер жазылған.
Бұл жазбаға жауап ретінде Айман әлеуметтік желідегі парақшасында ашық реакция білдірді. Ол өзін сынағандардың суреттерін жариялап, сотқа жүгінетінін аңғартты.
«Ауыздарына ақ ет кіріп, көк ит шығатын, ақ жаулықты апа деп айтуға келмейтін, Құдай болып кеткен құдағи сымақтардың әдемі фотосын салып отырамын. Таныс болыңыздар. Адвокатыма жалақы болдыңыздар», – деп жазды ол.
Айта кетейік, бұл мәлімдеме әлеуметтік желі қолданушылары арасында жаңа пікірталас тудырып, жұртшылықтың көзқарасын тағы екіге бөлді.
