Стойлов Қазақстан құрамасының мүмкіндігін бағалады да, клубтық жұмысқа оралуды ұйғарды

51 жастағы бапкер Қазақстан құрамасын наурызда жаттықтыра бастады да, екі жылдық келісімшартқа қол қойды. Оның жаттықтыруымен құрама Ұлттар лигасы D дивизионындағы топтық ойында екінші болды. Құрамаға дейін Стойлов төрт рет Қазақстан чемпионы болған, Чемпиондар лигасының топтық кезеңіне және Еуропа лигасының плей-офф кезеңіне өткен «Астананы» жаттықтырған. 

«Сегіз-тоғыз айлық жұмыс жемісін берді деп ойлаймын. Ойын мінезіне ризамын, бірақ, нәтиже жағынан әлі де жақсаратынына үміттімін. Бір қадам алға басып, екінші орын алдық. Мен бірінші болғым келеді, амбициям бар адаммын. Ұлттар лигасының келесі маусымында Қазақстан өз тобында көшбасшы болмайды. 

Меніңше Болгарияда деңгей жоғары және таңдайтын ойыншылар да көп. Әзірге Қазақстанда жұмыс тыныш, бірақ, мұнда үлкен нәтиже күтеді. Бапкерлер командамыз «Астананы» Қазақстан құрамасына ауыстырды. Әрине бұл қалыпты жағдай — нәтижеге жеткен соң адамдар сенен көбірек күте бастайды. Біз де бір ғажайыптан үмітті болдық. Әрине команда алға ілгерледі, алайда, ол топта бірінші бола қоятындай ғажайып болмады. Команда ойнауға тырысты, алға қарай кішкентай қадам жасалды, енді осылай қарай жылжи беру керек. 

Құраманың бірнеше түір бар. Құраманың қиындығы ойыншылармен күнде жұмыс істей алмайсың. Үлкен командамен ойнайтын құрамалар бар, онда жеңілірек. Кішірек елде жұмыс істеу қолайсыз. Ал клубтық командада ойыншылармен күнде жұмыс істейсің де, күнде жаңа дүние қосуға болады. МҚұрамадағы екі-үш жаттығумен ғана қиындау. Өйткені көп ақпарат беру зиянды, ойыншалыр шатасуы мүмкін. Бірақ біздің штабта тәжірибе жеткілікті», — дейді бапкер. 

Ал алдағы жоспарлары туралы Стойлов: «Алты жыл жұмыс істеп келемін. Сергіп алуым қажет. Ұзақ уақыт бас тартып келдім, бірақ, клубтық команданың уақыты келді. Жақын уақытта осындай қадам жасаймын. Әзірге ештеңе айта алмаймын. Біз: «Мына жерде мынау керек дейміз», бірақ, бұл біз қалаған орында болғаны маңызды», — деп келтіреді Стойловтың сөзін gong.bg.

Мұның алдында болгариялық БАҚ Стойловты «Левски» клубы өзіне шақырғысы келіп отырғанын жазған.