Алматыда діни экстремизмге қарсы ақпараттық-түсіндіру жұмысы қалай жүргізілді?

Ақпараттық-түсіндіру тобы мемлекеттік органдардың діни экстремизмнің алдын алу және халықтың діни сауатын арттыру мақсатында дәрістер оқып, кездесулер өткізеді.

Ақпараттық-түсіндіру тобының құрамында 62 маман болды.

Биылғы 610 шараға барлығы 108 572 тыңдаушы қатысты. 2017 жылы өткізілген 510 кешенді шаралар 86 мың адамды қамтыған еді. 

Біз санға ғана емес, сапаға да мән беруге тырыстық. Діни экстремизм мен терроризмге қарсы іс-әрекеттер туралы дәріс мектеп оқушыларына қызық әрі түсінікті болуы үшін лекторларға презентациялар мен видеороликтер дайындадық. Кездесулер еркін тақырыптарда өткізіліп, қатысушылар көкейінде жүрген сұрақтарға жауап алуға мүмкіндік берілді. Шара соңында көпшілік алдында сұрақ қоя алмағандармен жеке сұхбаттастық, – дейді Ақпараттық-түсіндіру тобының мүшесі Нұрболат Айекешев.

Алматыда діни қатынастар бойынша ақпараттық-түсіндіру жұмысы ең көп жүргізілген аудан – Алмалы.