Тереза Мэй отставкаға кетпейді

Ұлыбританияның премьер-министрі Тереза Мэй отставкаға кетпейді. Премьер-министрге сенім білдіру бойынша құпия дауыс беру кезінде оған 117 адам қарсы дауыс беріп, 200 адам қолдаған. 2016 жылы ел премьер-министрі болған Тереза Мэй елді Еуроодақтан шығару бойынша келісімге қатысты жиі сыналады. Келісімді сынаушылардың айтуынша, сауда, көші-қон, шекара мәселелері бойынша құжаттағы шарттар Ұлыбританияның мүддесіне қайшы келеді. Тереза Мэй 12 желтоқсанда дауыс беру қорытындысы шыққан соң Еуропа одағы саммитінде Брекзит келісіміне өзгерістер енгізу үшін күш салатынын айтқан. Ұлыбритания 2019 жылы 29 наурызда Еуроодақтан шығады.