Қазақстанда ең төменгі күнкөріс деңгейі бір жылда 3,3 процентке өсті
2018 жылдың желтоқсанында ең төмен күнкөріс деңгейінің шамасы 26 440 теңге болды
АСТАНА, 4 қаңтар — Sputnik. Қазақстанда 2018 жылдың желтоқсанында жан басына шаққандағы ең төменгі күнкөріс деңгейі 26 440 теңге болды, деп хабарлады ҚР Ұлттық экономика министрлігі Статистика комитеті.
«Негізгі тамақ өнімдерін тұтынудың ең төменгі нормаларынан есептелген орташа халықтың жан басына шаққандағы ең төмен күнкөріс деңгейінің шамасы 2018 жылдың желтоқсанында 2017 жылдың желтоқсанымен салыстырғанда 3,3%-ке жоғарылады», — деп жазылған хабарламада.
Өткен айда ең төменгі күнкөріс деңгейінің 20,5% ет пен балық, 16,3% сүт, тоң май өнімдері мен жұмыртқа, 8,3% жемістер мен көкөністер, 7,6% нан және жарма өнімдерін, 2,3% қант, шай және дәмдеуіштер сатып алуға жұмсалған.
Дереккөз: https://sputniknews.kz/
