Қылмыскерлерді көшеде атып тастауға рұқсат берілді
Рио-де-Жанейро көшелерінде қару асынып жүрген, қылмысқа қатысы болуы мүмкін күдікті адамдарды полицияның арнаулы командалары атып тастайды.
Бұл туралы Bloomberg агенттігі хабарлады. Атқыштар жұп-жұбымен жүр. Олардың бірі автоматпен қылмыскерді жусатып салса, қасындағы серігі оның әрекетінің заңға сәйкестігін дәлелдеу үшін оқиғаны видеокамераға түсіріп отырады.
Федералдық судья Уилсон Витцельдің айтуынша, қару асынған қылмыскерлер ескертусіз атылады. Өйткені көшеде қарумен жүретін қандықолдар кез келген адамды өлтіріп кетуі мүмкін. Бразилия әлем елдері арасында адам өлтіру деңгейі ең жоғары ел болып отыр. Онда жылына 64 мың осындай дерек тіркеледі.
Дереккөз: ҚазАқпарат
