Қазақстанда докторантура бойынша мемлекеттік грант иегерлерінің тізімі жарияланды

Ұлттық тестілеу орталығы жоғары және жоғары оқу орнынан кейінгі білім беру ұйымдарында PhD докторларын даярлауға 2023-2024 жылдарға арналған мемлекеттік грант иегерлерінің тізімін жариялады. Бұл туралы Kznews.kz ақпарат агенттігі хабарлайды.

Грант иегерлерінің тізімі ұлттық тестілеу орталығының сайтында жарияланды.

Мемлекеттік білім беру тапсырысы бойынша және ақылы негізде докторантураға түсуге арналған конкурсқа қатысу үшін шекті балл – 75 балл.

2022 жылдан бастап докторантураға түсу үшін шет тілін білу туралы сертификатпен қатар ҚАЗТЕСТ жүйесі бойынша мемлекеттік тілді меңгергенін растайтын сертификат ұсыну қажет.