23 желтоқсан, 2025
Алматы қаласының бұрынғы әкімі, қазіргі таңда Президент әкімшілігінде қызмет атқарып жүрген Ерболат Досаев «Самұрық-Қазына» ұлттық әл-ауқат қоры» АҚ Директорлар кеңесінің мүшесі болып сайланды, деп хабарлайды kznews.kz.
Ресми ақпаратқа сәйкес, Ерболат Досаев бұл қызметке 20 желтоқсан күні тағайындалған. Компанияның мәліметінше, Қазақстан Республикасы Президенті Әкімшілігі басшысының орынбасары Ерболат Асқарұлы Досаев Директорлар кеңесінің құрамына енгізілген.
Қазіргі уақытта «Самұрық-Қазына» АҚ Директорлар кеңесінің құрамында сегіз мүше бар. Олардың төртеуі тәуелсіз директорлар саналады.
