Айқын Төлепберген: Шенеунік болсам бір тиын ұрлатқызбай, бір жерді бергізбес едім
Сурет: instagram.com/p/CMNR1efFhgz/
Отандық танымал әнші Айқын Төлепберген шенеунік болып қызмет етсе, қандай өмір сүретінін айтып берді. Өнер иесінің сөзінше, ол қазынадан ақшаны ұрлатқызбай, жерді таратпайтын еді, деп хабарлайды KAZ.NUR.KZ сайты.
Эстрада жұлдызы бұл туралы Instagram желісінде айтты. Ол өзі шенеунік болған жағдайда қандай шараларды іске асыратынын тізіп жазып шықты. Айқын мұндай күн туғанда жемқорлықпен күреске барын салатынын жеткізді.
«Әңгіменнің бәрі қалжың. Мен шенеулік болсам, бәрін таза жасар едім. Бір тиын ұрлатқызбай, бір жерді бергізбей. Қайта, қоластымдағы адамдарға ұрламайтын жағдай жасап, артық жұмыс істеген үшін, ақша төлеп. Жемқорлық деген нәрседен жек көретінім жоқ. Еліміздің ең үлкен дерті сол» , — деп жазды Айқын Төлепберген.
Әншінің оқырмандары бұл жазбаға қатысты өз пікірлерін жарыса білдірді. Олар басым көпшілігі өнер иесіне сенетіндерін айтуда. Алайда, пікір білдірушілер арасында оны сынға алғандар да бар.
Посмотреть эту публикацию в Instagram
«Шенеунік болсаңыз, осы сөздеріңіз ұмытылады ғой» , «Ақша көрсе, періште таяр» , «Өте дұрыс. Сізге сенемін. Нағыз халықтың адамысыз ғой» , «Осындай жігіттер елімізді құтқарып қалады. Сіздерге деген сенім мол», «Мен сізге сенемін», «Шенеуніктердің көбісі басында осылай ойлайтын секілді» , «Айқын сзінде тұратын ер азамат. Оған сенемін» , «Жарайсың, біз сені қолдаймыз» , «Жасай бер Айқын. Сен халыққа керек азаматсың» , — деп жазуда желі қолданушылары.
