Елордада адам өлімімен аяқталған ЖКО себептері әзірге анықталған жоқ
Жол апатының себептерін анықтау үшін сараптамалар тағайындалды.
Нұр-Сұлтанда болған жан түршігерлік жол апатының себебін анықтау үшін сарапатамалар тағайындалды, деп хабарлайды Zakon.kz.
Астана қалалық ПД баспасөз қызметінің хабарлауынша, ҚР ҚК 345-бабына сәйкес сот алды тергеу басталған. Сот-медициналық және автотехникалық сараптамалар тағайындалды.
— Сарапатамалар нәтижесінде оқиғаның мән-жайы анықталатын болады, — деп хабарлап отыр астананың ПД баспасөз қызметі.
Ірі жол апаты Ұлы Дала көшесінде Қабанбай батыр даңғылының қиылысында үш автобустың және жеңіл көліктердің қатысуымен жол-көлік оқиғасы болды. Қала сыртынан қатынайтын № 303 бағыттағы автобус № 12 бағыттағы автобуспен қақтығыс жасаған. Алдын ала ақпарат бойынша, 303 бағыттағы автобустың жүргізушісі мен жолаушы әйел қаза тапқан. Тағы 27 адам зардап шекті.
Telegram арнасындағы маңызды жаңалықтар «zakon.kz». Жазылу!
