"Louis Vuitton, Jimmy Choo, Prada": Қарақат Әбілдина туған күніне келген сыйлықтарын көрсетті

Танымал әнші Қарақат Әбілдина туған күнінің қалай өткенін айтып берді. Бұл туралы Kznews.kz ақпарат агенттігі хабарлайды.

Өнер иесі тойдың қызықтарын бөлісіп, туған күніне келген сыйлықтарын көрсетті. “Туған күнді аман-есен өткіздік. Мынау – туған күнге келген сыйлықтар. Өте көп келді. Бірақ мен бәрін көрсеткенді ұнатпаймын. Ең бастысы, жақындарымның жанымда болғаны. Көңіл – қымбат. Қуанышты күндерде қасымнан табылған әр жанға мың алғыс”, – деді әнші. Мәдениет қайраткерінің жеке парақшасындағы бейнежазбадан Louis Vuitton, Jimmy Choo, Prada брендтерінің пакеттерін көруге болады. Одан кейін өнер иесі той кезінде түрлі кедергіге тап болғанын айтып, үндеу жасады. “Тура кештің басталуына жарты сағат қалған кезде тойды жүргізу керек болған ақын қыз (атын айтпай-ақ қояйын) жай тілмен айтқанда, лақтырып кетті. Келе алмайтынын айтып, бір шок қылды. Кештің тізгінін сіңлім Ақбота алды. Керемет жүргізді. Тамада қалай лақтырған болса, тойға келеміз деп соңғы күні өздерінің уәдесін беріп тұрып, орындары белгіленген біршама қонақтарым келмей қалды. Осы орайда айтқым келетіні: барлығымыз қонақ шақырамыз, күтеміз, ниеттенеміз — осындай жағдай үлкен бір өрескел қате ғой. Осы мәселені көп жандар ойланса екен. Себебі адам келеді деп күтеді. Орнын белгілейді, ол енді айтпаса да түсінікті. Адамды осылай үміттендіріп, күттіріп қою — үлкен мәдениетсіздік”, – деп ренішін білдірді эстрада жұлдызы. Еске салайық, мемлекет басшысы әншіні“Парасат” орденімен марапаттаған еді.