Қайрат Боранбаев түрмеден босап шықты

Қайрат Боранбаев түрмеден босап шықты. Бұл жөнінде Kznews.kz Ішкі істер министрлігінің қылмыстық-атқару жүйесіне сілтеме жасап хабарлайды.

ІІМ қылмыстық-атқару жүйесінің мәліметінше, бас бостандығынан айыру жазасының өтелмеген бөлігі бас бостандығын шектеу түріндегі жазаға ауыстырылған Қайрат Боранбаев 2023 жылғы 6 қарашада бас бостандығынан айыру орнынан босатылып, орнына тұрғылықты жері бойынша жазасын өтеу орнына өз бетімен барады.

“Мекеменің әкімшілігі сотталғанға пробациялық бақылауды есепке алу және жүргізу үшін пробация қызметіне келу бағыты мен уақытын көрсете отырып, жазасын өтеу орнына бару туралы бұйрық береді, оған оны сипаттайтын материалдар да жіберіледі”, – делінген ақпаратта.

фото: prosport.kz