Мәжіліс депутаты Бақытжан Базарбектің әйелі Адель Әділова өзінің бір күндік өмірін видеода көрсетіп, жұрттан сөз естіп қалды , деп хабарлайды kznews.kz Democrat.kz сайтына сілтеме жасап.
Адельдің видеосынан байқағанымыз, олар отбасымен бірге таңғы 07-30-да ұйқыдан тұрып, балаларды сабаққа, балабақшаға жөнелтеді екен.
Таңғы асын ішіп, кофеленіп алған соң "қауырт" шаруаларымен сыртқа шығатынын айтқан Адель үйлерінде тамақтарын дайындайтын жеке аспазы, әрі бері көлікпен таситын жеке жүргізушілері барын жасырмады.
Спорт салонына барып, дене шынықтырумен айналысқан Адель әрі қарай шопырымен "Оқу орталығындағы" жұмысына жөнелді.
"Күнімді ең сүйікті ісім вокалмен, ән айтумен аяқтаймын"деген Адельдің бұл видеосына қатысты жұрт біраз нәрсе айтып тастады.
"Халықтың ақшасына жеке шопыр, жеке аспаз жалдайтын, өмірің керемет екен", "депутаттың әйелі сауатсыздау екен", "жағдайларыңды жасап алыпсыңдар", "жаным ашып кетті ғой"деп жұрт сөзбен түйреп тастады.
