«Мүлдем жасауға міндетті емеспіз»: Көкшетау әкімі көп балалы әйелге дөрекі жауап берді
Көкшетау әкімі Бауыржан Ғайса көпбалалы ананың өтінішіне дөрекі жауап берді, деп хабарлайды Kznews.kz ақпарат агенттігі 716.kz сайтына сілтеме жасап.
Әйел өзі тұратын екі қабатты тұрғын үйде орталық канализация жоқ екенін, шенеунікке егер мәселе шешілмесе, көшені жауып тастайтынын айтқан еді.
«Мердігер келіп, әкімдік ақша бөлмегенін жеткізді. Сіз әлі рұқсат бермегенсіз. Неге? Біз не істеуіміз керек? Немесе мен көшені жауып, сол жерде тұрамын», — деді әйел.
Әкімге бұл қоқан-лоққы ұнамады, ол әкімдіктің кәріз жасауға міндетті емес екеніне тоқталды. Шенеуніктің сөзінше, бұл шаруаны шешуге әлі біршама уақыт керек.
«Қаржы бөліну үшін сессия өткізу қажет. Сосын конкурс өткізу үшін тағы уақыт қажет. Бұл жыл бойы жалғасады. Егер сізге бірдеңе ұнамаса, біз сізге бұл канализацияны мүлдем жасауға міндетті емеспіз. Бұл сіздің үйіңіз, сіз оны түсінгіңіз келмейді. Бұл сіздің үйіңіз, кәріз де, үйіңізге сантехникалық жұмысты өзіңіз жасауыңыз керек. Сіз оны қалай істеймін деп шештіңіз? Егер сіз бізден көмек сұрасаңыз, онда күтуіңіз керек. Маған шарт қоюдың қажеті жоқ. Мен сізге міндетті түрде көмектесемін, шыдаңыз», — деп жауап берді ол.
