Тоқаевқа арнап өлең жазамын! – Ринат Зайытов

Ринат Зайытов Тоқаевқа арнап өлең, тіпті кітап жазудан тайынбайтынын жеткізді.

Бұл туралы «Adyrna» ұлттық порталына берген сұхбатында айтты.

Алайда айтыскер ақын президентке шарт қойды. Оның айтуынша, Тоқаев Конституциядан орыс тілінің мәртебесін алып тастауы керек.

– Айырбасын көрейік. Жоқ деп айтпаймын. Егер «ертең қазақ тілі мемлекеттік тіл болады, ресми тіл дегенді алып тастаймыз. Бірақ, сен ол үшін осы өлеңді жаз» десе, жатып алып жазамын. Ұлттың пайдасына тиетін бірдеңе беретін болса, бүкіл абыройымды, өзімді де құрбандыққа салайын. Халыққа пайдасы тиетін болса дайынмын! Тоқаев осылардың барлығын істеп берсе, тіпті кітап жазып беремін. Сөзімнен қайтпаймын, – деді Ринат Зайытов.