Денсаулық сақтау министрі қазақстандықтарға қызылшаның таралуына қатысты үндеу жасады

Денсаулық сақтау министрі Ажар Ғиният қазақстандықтарды қызылшаға қарсы қосымша иммунитет қалыптастыруға шақырды. Бұл жөнінде Kznews.kz ақпарат агенттігі хабарлайды.

Қазіргі уақытта Қазақстанда қызылшаға қатысты қолайсыз жағдай қалыптасқаны хабарланған. Биыл бұл дертті 13 мың адам жұқтырған. Оның 83% бес жасқа дейінгі балалар. 70% вакцина алмаған. Науқастардың арасында екпе алмаған ересектер де бар.

Осыған байланысты Қазақстанда қосымша жаппай егу жұмыстары жүргізіледі. Ол қаңтар айының соңына дейін жалғасады.

“Біз вакцинацияланбаған балаларды, сондай-ақ инфекция аймағында болған ересектермен байланысамыз. Барлық қазақстандықтарды аурудан сенімді қорғаныс алу үшін емханаларға шақырамыз”, – деді министр Ажар Ғиният.

Денсаулық сақтау министрі инфекцияның ауыр зардаптары туралы да ескертті.

“Бүгінгі күні қызылшаның арнайы емі жоқ, сондықтан аман қалудың жалғыз жолы — вакцинация. Дәріден қорқудың қажеті жоқ, ол сынақтан өтті. Біз бұл вакцинаны жыл сайын ұлттық егу күнтізбесі бойынша қолданамыз”, – деді ол.