«АрселорМиттал Теміртау» басқарушысы күніне 1 млн теңге жалақы алып отырған

Компания басқарушы Палаватху Кришнан Наир Биджуға 2021 жылы 375,9 млн теңге немесе айына 31,3 млн теңге төлегені белгілі болды. Бұл туралы Kznews.kz ақпарат агенттігі Finance.kz Telegram арнасына сілтеме жасап хабарлайды.

Осының нәтижесінде компания басқарушысы бір күнде 1 млн теңге жалақы алып отырған.

«2022 жылғы деректер жоқ, компания оларды жай ғана қаржылық есептілік депозитарийінің порталына жүктемеген. Алайда қаржылық есептер 31 тамызға дейін болуы тиіс еді. 2020 жылы Палаватху Кришнан Наир Биджу 344 миллион теңге алды. 2019 жылы оның алдындағы басшысы Парамжит Сингх Калон 328 миллион теңге алды. 2022 жылдың тамызында берілген соңғы есепке сәйкес, АрселорМитталдың 2021 жылы таза пайдасы 215 миллиард теңгені құрады» – делінген басылымда.

Еске салсақ, Қарағанды облысында Костенко атындағы шахтада жарылыс болғанын хабарлаған едік. Шахтадағы апаттан қаза болғандар саны 45-ке жетті.