«Одан да көп болуы мүмкін»: Түркістан облысында балабақша қызметкері 15 баланы зорлады деп айыпталды

Адвокат Айман Омарова Түркістан облысында ер адам бірнеше баланы жаппай зорлағанын мәлімдеді. Бұл туралы Kznews.kz ақпарат агенттігі Otyrar сайтына сілтеме жасап хабарлайды.

Отырар ауданындағы балабақша қызметкері бірнеше балаға жыныстық зорлық-зомбылық жасаған деп айыпталды. Зардап шеккен балалардың жасы – 5-тен 10 жасқа дейін. Олардың 14-і қыз, біреуі ұл деп болжануда.

«Бастапқыда үш қыздың зорланғаны туралы ақпарат келді. Қазір олардың саны 15-ке жеткені туралы ақпарат пайда болды. Зорлық-зомбылық құрбандарының саны одан да көп болуы мүмкін. Күдікті қамауға алынды. Мұны бас прокуратураға жібереміз. Кейбір ата-аналар шағым бергісі келмейді. Себебі олар істі жауып тастайды деп қорқады», – деді адвокат Омарова.

Адвокат Ләззат Ракишева күдіктімен көрші тұратын үйдің балаларын енді гинеколог тексереді. Сондықтан құрбан болғандар саны 15-тен де көп болуы мүмкін.

«Күдікті балабақшада от жағады. Жазда бұл адамға қарсы арыз берілді. Бірақ істің неге қозғалмағаны белгісіз», – деді Ракишева.

33 жастағы ер адам ұсталды. Күдіктінің отбасы болған. Алайда ол көп ұзамай ажырасып кетіпті. Расталмаған ақпаратқа сәйкес, ол кішкентай қыздарды қорқытып, ешкімге айтпауларын сұраған, тіпті кейбіреулеріне ақша берген.

Ауыл тұрғындары оның ауылдан көшіп кетуін талап еткен. Отбасы мұндай жанжалдан кейін олар өздері кетуге шешім қабылдады.

Бұған дейін Түркістан облысында ер адам 7 кішкентай қызды зорлады деп айыпталғаны айтылды.