Біреуі қаза тапты: Астанада бір топ жұмысшы 9-қабаттан құлап кеткен

Астанада құрылыс алаңында төрт жұмысшы биіктен құлап кетті. Бір адам оқиға орнында қаза тапты, деп хабарлайды Kznews.kz Azattyq Ruhy сайтына сілтеме жасап.

Қалалық полиция департаментінің хабарлауынша, тоғызыншы қабаттан құлаған үш адам ауыр халде ауруханаға жеткізілді.

Белгілі болғандай, өнеркәсіптік альпинистердің үшеуі 1999 жылы, тағы біреуі 2002 жылы туған.  

«Құрылыс алаңында жұмысшылардың құлауы бойынша Қылмыстық кодекстің 277-бабының 3-бөлігі «Құрылыс жұмыстарын жүргізу кезінде қауіпсіздік ережелерін бұзу» бойынша сотқа дейінгі тергеу басталды. Тергеу жүріп жатыр», — деді полиция.

фото: ашық дереккөзден