Астаналықтарға түкіргені үшін 19 млн теңге айыппұл салынған

Астанада қоғамдық орындарда түкірген адамдарға 19 млн теңге көлемінде айыппұл салынған. Бұл туралы Kznews.kz Stan.kz ақпарат агенттігі сілтеме жасап хабарлайды.

Бұл туралы қалалық жергілікті полиция қызметі басқармасының басшысы Арман Айтмағамбетов мәлімдеді. Оның айтуынша, түкіру фактісі Астанадағы базарлардың маңайында жиі кездеседі. Олардың барлығы бейнекамералардың көмегімен анықталыпты.

“Жалпыға ортақ пайдаланылатын орындардың ластануына байланысты құқық бұзушылықтардың жолын кесу бойынша жұмыс жүргізіп келеміз. Әсіресе, қоғамдық орындарда және көшелерде түкіріп жатқан азаматтарға назар аударылады. Жыл басынан бері түкіргені үшін 1 200 азаматқа 19 млн теңге айыппұл салынды. Бүгінде оның 5 млн теңгесі немесе 28% өндірілді”, – деді қалалық ПД жергілікті полиция қызметі басқармасының басшысы Арман Айтмағанбетов.

Фото: emhana8.kz