Назарбаевтың баспасөз қызметі 28 жыл бұрынғы Конституция жобасын көрсетті (фото)
Нұрсұлтан Назарбаевтың баспасөз қызметі Instagram парақшасында 1995 жылғы Конституция жобасының суреттерін жариялады. Құжаттан Қазақстанның бірінші президенті енгізген түзетулерді көруге болады.
«Осы атаулы күнде 1995 жылдың сәуірінде Қазақстанның Тұңғыш президенті Нұрсұлтан Әбішұлы Назарбаевтың қарауына ұсынылған тарихи құжат – Конституция жобасының көшірмелерімен бөлісіп отырмыз.
Бұл бірегей құжаттардан Нұрсұлтан Назарбаевтың жас және тәуелсіз мемлекеттің болашақ Конституциясының мәтініне бірқатар түзетулер мен ескертулер енгізгенін көруге болады», — делінген хабарламада.
Айта кетейік, бүгін, 30 тамызда елімізде Конституция күні атап өтілуде. Мереге орай, президент Қасым-Жомарт Тоқаев қазақстандықтарды құттықтаған болатын.
