«Ер жігіттің оңалар құлағаны» — Бостандыққа шыққан Төреғали жазбасы сынға ұшырады

Алматыда есірткіге мас күйде көлік жүргізіп, полицияға ұсталған Төреғали Төреәлі бостандыққа шыққаннан кейін жазба жариялады. Әншінің оқырмандары оның жазбасын қызу талқыға салды, деп жазады Kznews.kz Kaz.nur.kz агенттігіне сілтеме жасап.

«Ер жігіттің жарамас жылағаны, Ештеңе етпес сүрініп, құлағаны. Орнында бар оңалар, бәрін қойшы. Праваны айтсайшы, праваны», — деп жазды Төреғали Instagram парақшасында. Ал желі қолданушылары әншінің бұл жазбасына түрлі пікір қалдырды.

«Жүргізуші куәлігін қоя берші. Ата-анаңның ауырған жүрегі мен абыройды айтсаңшы», «Сен өзің іздеп таптың ғой», «Кінәні өзіңнен іздеу керек», «Үкімді тек Алла шығарады», «Өлеңің дайын тұрады екен», «Тыныш жүрсең, таудай бәледен құтыласың», — деп жазды желідегілер. 

фото: ғаламтордан