Роналду Гиннестің рекордтар кітабына енді
Португалдық футболшы Криштиану Роналду Гиннестің рекордтар кітабына 2023 жылдың ең көп жалақы алатын спортшысы ретінде енгізілген. Бұл туралы ұйымның сайтында хабарланды.
«Криштиану Роналду 2017 жылдан бері алғаш рет (және жалпы үшінші рет) Forbes бойынша әлемдегі ең көп жалақы алатын спортшылар тізімінде бірінші орынға шығып, 2023 жылы спортшылар арасындағы ең жоғары жылдық табысы үшін Гиннестің рекордын иеленді», — делінген хабарламада.
Forbes журналының мәліметі бойынша, спортшының бір жылдағы рекордтық табысы 136 миллион долларды құрады, оның 46 миллион доллары футбол алаңында, ал 90 миллион доллары одан тыс жерлерде табылды.
Тізімнің екінші орында аргентиналық Лионель Месси тұр, оның жылдық табысы 130 миллион долларды құрады.
фото: ғаламтордан
