Швецияда ойын-сауық орталығында үлкен апат болды, көз жұмғандар бар

Стокгольдегі «Gröna Lund» ойын-сауық саябағында апат салдарынан бір адам қаза тауып, тоғыз адам жарақат алды, деп хабарлады SVT.

Адамдар бірнеше метр биіктіктен құлады. Балалар да, ересектер де ауруханаға жеткізілді. Зардап шеккендердің үшеуі ауыр жарақат алды.

Алдын ала ақпарат бойынша, аттракциондағы механизм бақылаудан шығып, вагон биіктікте тұрып қалған, одан жолаушылар түсе бастады. Адамдарды түсіру үшін өрт сөндірушілер шақырылды.
Апаттан кейін ойын-сауық саябағы жабылып, аттракциондар жөндеуге жіберілді. Полиция қылмыстық іс қозғады.

Ақпарат, фото: t.me/orda_kz