Ұлытау облысының өңірлік нышаны бекітілді

Ұлытау облысының өңірлік нышанын анықтау жөніндегі комиссия шешімімен облыстың төлтаңбасы таңдалды. Бұл туралы облыс әкімдігінің баспасөз қызметі жазды, деп хабарлайды KZNEWS сайты.

Басқарманың айтуынша, мамыр айында жарияланған конкурсқа 24 қатысушыдан 80-нен астам жұмыс түскен.

«Комиссия алматылық авторлар Бақытжан Бұқарбай мен Дулат Үсенбаев ұсынған жобаны үздік деп таныды. Төлтаңбамызда «Ұлытау облысы» сөздерімен қатар, қазақ даласының киелі жануары — танымымызға жақын құлан бейнеленген»,—делінген хабарламада.