«Соловьев бір кездері Алматыны бомбалауға шақырған» — Мұхтар Құл-Мұхаммед

Қазақстан Сенатындағы Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед ресейлік насихатшы Владимир Соловьевтің  бір кездері «Алматыны бомбалау керек» деген жағымсыз пікірін еске салды, -деп хабарлайды Kznews.kz сайты Kaztag.kz агенттігіне сілтеме жасап.

«Соловьев ұзақ уақыт бойы әлемнің көптеген елдерінде нон граттың тұлғасына айналды және қазір санкциялық қара тізімдердің барлығын бастап тұр. Бір кездері «Россия 1» телеарнасында ол Алматыны бомбалауды да ұсынды, одан тіпті бағдарлама қонағы – Мемлекеттік Думаның депутаты Онищенко да үрейленді. Осылай барлығына «улы сілекейін» шашады, ал  өз бағдарламасының қонақтарын жанжалды, арандатушылық мәлімдемелерге итермелейді», — деді Құл-Мұхаммед.

Сонымен қатар Мұхтар Құл-Мұхаммед Ресей үкіметінен жауап алу керек екенін, ал кесапат журналист саясаткерлерді Қазақстан туралы жағымсыз пікір айтуға итермелейтінін жеткізді.

Фото: daily.dialog.ua