83 мыңнан 600 мың теңгеге дейін: Карантин талаптарын бұзғандарға айыппұл мөлшері бекітілді
![](https://kznews.kz/wp-content/uploads/2020/06/news_full1591856459b33579dc09969587b656a2b75e836e45.jpg)
5 шілдеден бастап карантин ережесін бұзғандарға айыппұл салынады. Бұл туралы ҚР Премьер-министрінің орынбасары Ералы Тоғжанов айтты.
«Бүгінгі күнге келетін болсақ, вирустың таралу себебі — ескертулерге немқұрайлы қарап, құлақ аспағаны десек артық емес.» деді Е.Тоғжанов
«Біздің ел тығылып, той тойлап, бетпере киюді әлі де ұят санайтындар да жоқ емес. Мысалға, артқы есіктен кіріп қыз ұзату, аулаға той жасау, құдалық өткізу, ас беру, туған күн тойлау сияқты басқа да іс-шаралар толып жатыр. Оған өздеріңіз де, көптеген азаматтар да куә. »
«Осындай шараның соңында кемінде 20-дан адам ауруханаға түсіп, қаза болып жатқандар да мәлім.»
Ең алдымен жеке басымыздың жауапкершілігі, отбасымыздың алдындағы және қоғам алдындағы жауапкершілік болу қажет.
Заң тарапынан жауапкершілік қарастырылған. Бекітілген санитарлық-эпидемиологиялық талаптарды бұзған жеке тұлғаларға — 83 000, заңды тұлғаларға — 600 мыңнан астам айыппұл салынады.