Украина соты соғысқа аттанған 23 жастағы қазақстандықты 9 жылға бас бостандығынан айырды

Донецк облысының Дружовка қаласындағы Сот Қазақстанның 23 жастағы тумасы Шыңғыс Сейпиевті тоғыз жылға бас бостандығынан айыруға үкім шығарды. 

Сейпиев Қазақстанның Петропавл облысы Ақ-Құдық ауылынан шыққан. Ол Ресейге көшіп, 2020 жылы 10 жылға бас бостандығынан айырылды. Украинаның қауіпсіздік қызметі оны «зорлау туралы» бап бойынша соттады деп мәлімдейді. Ал Сейпиевтің өзі «Глауком» басылымына берген сұхбатында мас күйінде төбелесіп, қайтыс болған танысы үшін қамалғанын айтады.

Тергеу мәліметтері бойынша, ол 2022 жылдың қазан айына дейін №2 Тюмень түзеу колониясында жазасын өтеген, содан кейін Украинадағы соғысқа қабылданған. Келісімшарт бойынша оған айына 200 мың рубль төлеуге және соттылықты жоюға уәде берілген.

Ол соғысқа аттанғаннан кейін бір аптадан соң ұсталды.

Ақпарат, фото: t.me/orda_kz