31 наурыз, 2026
Әнші Мақпал Жүнісова журналист Дина Төлепбергенге берген сұхбатында Құралай Нұрқаділованың қатысуымен болған даулы оқиға туралы айтып берді, деп хабарлайды kznews.kz.
Өнер иесінің сөзінше, оның Заманбек Нұрқаділовтың қызымен бұрыннан бері түсініспеушіліктері болған. Әнші жағдайдың түрлі келіспеушіліктер мен өзара айыптаулардан кейін ушыға түскенін айтты.
“Құралай маған пышақ салған. Концерттің алдында пышақтап кеткен. Республика Сарайының жанында. Ол “Вечерняя Алматы” деген газетке шыққан… Нұрқаділовтың қызы деп тұрып шықты сол кезде" – деді Мақпал Жүнісова.
Сондай-ақ Жүнісова концерттен кейін өзіне Заманбек Нұрқаділовтан хат жіберілгенін жеткізді. Хатта ол қызының кінәлі ретінде көрсетілмеуін өтінген.
“Ертең полиция келгенде “Менің қызым деп арыз жазбасыншы” деген Зәкеңнің хаты келді маған” – деді өнер иесі.
Әншінің айтуынша, кейін тергеу барысында шабуылды жасөспірімдер жасады деп көрсеткен. Оның сөзінше, бұл қадамға Құралайдың әкесін құрметтейтін болған соң ғана барған.
