Полторанин допинг дауынан кейін Қазақстанға оралды — Қазақстан жаңалықтары

Таядуа допинг дауына қалған шаңғышы Алексей Полторанин аз уақытқа Қазақстанға келді.

Бұл туралы vksport.kz порталына сілтеме жасап Stan.kz хабарлайды. 

Басылым мәліметінше, шаңғышы Алексей Полторанин өскелең ұрпақты тәрбиелеу ісіне адал болып қалған. 

Шаңғышы таяуда допинг дауына қалғаннан кейін Мәскеуден кетіп, өзінің және Сергей Черепановтың атындағы кезекті жарысты өткізу үшін Риддерге келген. 

Бұл жарыстар соңғы 7 жыл көлемінде өткізіліп келеді. Черепанов пен Полторанин жарысты өз есебінен өткізуде. 

Басылым мәліметінше, алдағы уақытта қазақстандық шаңғышы Мәскеуге қайтып оралады. Бүгінде ол жақта спортшының отбасы өмір сүріп жатыр. 

Өз сөзінде Полторанин шамамен мамыр айының ортасына дейін отбасымен бірге уақыт өткізгісі келетінін айтқан. Себебі сол уақытқа дейін шаңғышыларда еңбек демалысы екен.