Сенегалдық форвард Әзірбайжан чемпионының орнына қазақстандық клубты таңдады

Transfermarkt мәліметінше, футболшы «Тараз» сапында ойнамақ, бұл команда үшін ол 2016 жылы 30 матчте 13 гол және 2017 жылы жарты маусымдағы 13 ойында 3 гол салды.

2018 жылғы маусымды Мане бірінші лигаға түсіп қалған «Ақжайық» сапында өткізді, команда үшін ҚПЛ-дегі 27 матчте екі нәтижелі пас беріп, тоғыз гол соқты. Футболшы қысқы маусым аралығында әзірбайжандық «Габалаға» өтпек еді, алайда, олай болмады. Ал тараздықтармен келісімшартты Түркияда өтетін қаңтардағы жиындар кезінде жасаспақ. 

2011 жылы «Ақтөбе» сапында ойнаған Маненің тарнсферлік құны 450 мың еуро. 

Айта кетейік, алғашқы лигада екінші болған «Тараз» премьер-лигаға тікелей жолдама алды. Желтоқсанда команданы 59 жастағы қазақстандық маман Вахид Масудов жаттықтыра бастады.