"Ресейде туғанымен бөтен емес". Қуат Хамитов UFC-дегі қазақ жігіті жайлы » Vesti.kz
Аустралияда өткен UFC Fight Night 142 турнирінде Исмағұлов үш раунд қорытындысы бойынша төрешілер шешімімен жергілікті Алекс Горджестен басым түсті.
Дамирдің жекпе-жегін көрдім. Жанкүйер болдық. Ресейде дүниеге келгенімен, қазақ қой. Бізге бөтен емес. Оның үстіне Дамир жақын досым. Тайландта бірнеше рет бірге жаттықтық, спарринг өткізіп, бір-бірімізге көмек болдық.
Жұдырықтасқаны ұнады. Алғашқы жекпе-жегі болғандықтан, қобалжу да болды. Дамир өте мықты жігіт. Одан нокаут күттім. Ол басым болды. UFC-де жеңіске жете алғанына қуаныштымын. Болашақта бұл ұйымда қазақстандықтар көбірек болып, қыздырады деген үміттемін. Біздің көптеген спортшымыз онда жұдырықтаса алады", - дейді Хамитов.
"Бәрі қазақтардың кім екенін білді". Дамир Исмағұлов UFC-дегі жекпе-жегінен кейін
Айта кетейік, Исмағұлов октогонға Қазақстан мен Ресей туын ұстап, қазақ әнінің әуеніне көтерілді. Жекпе-жектен кейін Исмағұлов қарсыласына қазақстандық шоколад сыйлады.
Исмағұлов UFC жеңіске жеткен алғашқы қазақ. Мұның алдында ол жеңіл салмақта M-1 Global чемпионы болған.
