Астана мектебінде оқушыға дәретханада жасырын вакцина салынғаны рас па? (видео)
![](https://kznews.kz/wp-content/uploads/2021/10/4.jpg)
Әлеуметтік желілер мен мессенджерлерде қазақстандықтар Нұр-Сұлтанда №58 мектепте ата-аналардың ресми түрде бас тартуына қарамастан балаларға жасырын екпе жасалатыны туралы ақпарат тарап жатыр. Хабарламада оқушылардың біріне дәретханаға вакцина салынғаны айтылған, деп жазады Stopfake.kz.
Нұр-Сұлтан қаласының білім басқармасы бұл оқиғаға қатысты түсінік берді.
– А. Бакеева әлеуметтік желілердегі парақшасында «3-сынып оқушысына дәретханада екпе салынды» деген жалған ақпарат жариялады (баланың анасының сөзіне сілтеме жасай отырып). Бұл ақпарат шындыққа сәйкес келмейді, оны баланың анасы растады. Сондай-ақ, ауысым ауысқан кезде 9-сынып оқушысының жағдайы нашарлаған. Осы кезде мектеп медбикесі оқушыға көмек көрсетті, бірақ А.Бакеева ережені бұзып, оны оқушыға жіберуді талап етті. А.Бакеева видеоға түсірмеу туралы өтінішті елемеді, ал бұл баланың құқығын бұзу болып табылады. Мектептің кезекші дәрігері оқушыға алғашқы көмек көрсетті, – деп хабарлады ведомстводан.
Сондай-ақ, мекеме Қазақстанда мектептерде балаларды COVID-19-ға қарсы вакцинациялау жүргізілмегенін және жүргізілмейтінін атап өтті.
Бұрын хабарланғандай, елімізде тек 12 жастан асқан балаларды ғана КВИ қарсы егу жоспарланған.
Бұл ретте процедура тек ата-аналардың келісімімен ғана жүзеге асырылады.