Геннадий Головкин балаларының суретін жариялап, жанкүйерлерінің жүрегін елжіретті

Бүгін — аты әлемге әйгілі қазақстандық бокстандық боксшы Геннадий Головкиннің туған күні. Орта салмақтағы IBF және IBO нұсқалары бойынша әлем чемпионы 39 жасқа толып жатыр. Туған күніне орай желіде жазба жариялаған спортшы жұрт көзінен таса ұстайтын балаларын көрсетті, деп хабарлайды Stan.kz ақпарат агенттігі.

Боксшы Twitter-де балаларымен бірге түскен суретін жариялады.

«Мен өзімді бақытты сезінемін. Ең асылдарым осы жерде және қазір менімен бірге. Туған күніммен», — деп жазды Головкин.

Геннадий Головкин әйелі Алинамен бірге үш баланы тәрбиелеп отыр. Олардың 12 жасар Вадим (2009 жылы сәуірде туған) есімді ұлы, 2017 жылы қыркүйекте туған қызы 2019 жылы қаңтарда өмірге келген тағы бір ұлы бар. Ерлі-зайыпты осы уақытқа дейін екі кішкентайының есімін ешжерде айтпады.

GGG-дің отбасы Лос-Анджелес маңында (Калифорния штаты, АҚШ) тұрады. Спортшы сол жерде жаттығады.

Бұған дейін Головкин Instagram-дағы парақшасында «39 жас және ешқандай шекара жоқ» деген видео жариялаған.