8 сәуір, 2026
Қазақстан жаһандық білім беру жүйесінде позициясын нығайтып келеді, деп хабарлайды kznews.kz.
Insider Global Education Index рейтингісінің деректеріне сәйкес, Қазақстан 218 ел мен аумақтың ішінде 18-орынға ие болып, әлемнің үздік 20 мемлекетінің қатарына енді.
Сарапшылардың бағалауынша, бұл көрсеткіш елдегі білім беру жүйесінің сапалы трансформациясын аңғартады. Қазіргі таңда Қазақстан халықаралық интеграцияға басымдық беріп, ғылыми-зерттеу бағытындағы университеттерді дамытуға ерекше көңіл бөліп отыр.
Сонымен қатар білім беру мен өндіріс арасындағы байланысты күшейту, еңбек нарығына бейімделген кадрлар даярлау және жасанды интеллект дәуіріне сай мамандар қалыптастыру негізгі басымдықтардың бірі ретінде айқындалған.
Мамандардың пікірінше, жүргізіліп жатқан реформалар Қазақстанның жаһандық білім беру кеңістігіндегі бәсекеге қабілеттілігін арттыруға мүмкіндік береді.
