«Ғалам аруы — 2018»: шомылу киімі мен кешкі көйлектер көрсетілімі

«Ғалам аруы-2018» атағына үміткерлер дәстүрге сай сахнада шомылу киімі және кешкі көйлекпен жүріп өтті

АСТАНА, 14 желтоқсан — Sputnik. «Ғалам аруы» байқауында Қазақстан намысын қорғаған Сабина Әзімбаева өзге қатысушылармен бірге шомылу киімі және кешкі көйлек киіп, дефилеге шықты.

Қыздардың шомылу киімімен шыққан видеосы байқаудың YouTube-тегі ресми желісінде жарияланған.

Сонымен бірге қазақстандық қыз кешкі көйлек киіп шыққан видеосын да желіде жариялады.

Атап өтсек, Сабина Әзімбаева ұлттық киімдер конкурсында 30 келілік костюммен шыққан болатын.

Қазақстандық ару әлеуметтік желіде Таиландта өтіп жатқан «Ғалам аруы-2018» байқауы аясындағы шаралардың фотосымен жиі бөлісіп тұрады.

«Ғалам аруы-2018» байқауының финалы Бангкокте 17 желтоқсанда өтеді.