Алматы облысында телефонын қуаттамақ болған 15 жасар қыз көз жұмды

0
0

Әлеуметтік желіде Алматы облысында 9-сынып оқушысы телефонның жарылуы салдарынан қайтыс болды деген хабар тарады. Гаджет қуат көзіне қосулы тұрған.
Облыстық полицияның баспасөз қызметі қайғылы оқиға 26 қыркүйек күні сағат 22.00 шамасында Алматы облысы ауылдарының бірінің үйінде болғанын хабарлады.

Электр тогының әсерінен 15 жастағы қыз қайтыс болды.

«Мектеп оқушысының ұялы телефоны электр қуатына қосулы тұрғаны алдын ала анықталды. Телефон арқылы қызды тоқ ұрған. Қазіргі уақытта бұл факті бойынша қылмыстық іс қозғалды, тексеру жүргізіліп, сот-медициналық сараптама тағайындалды», – деп түсіндірді департаментте.

Еске сала кетейік, Алматы облысы Қаратал ауданындағы Бастөбе ауылында ұялы телефонын қуаттау үшін токқа қосып, ұйықтап қалған оқушы қыз мерт болды. Дәрігерлердің сараптамасы бойынша жеткіншекті тоқ соққан. Марқұм болған қыз бала 9 сыныптың оқушысы.

Оған қоса, Алматы облысында анасы педикулезден емдемек болған екі жасар қыз көз жұмды.

Екі және бес жасар қыздарын педикулезден емдемек болған келіншек әсері мықты ветеринарлық «Неоцидол» қосындысын сатып алыпты. Ол дәріні сумен араластырып, бүлдіршіндердің басына жаққан екен.

Біраз уақыттан соң екі балақайлардың жүректері айнып, ауыздарынан көбік аға бастапты. Бұл жағдайдан шошынған әйел оларды бірден жергілікті амбулаторияға жеткізген екен.

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз