Бүгін, 16:52
Астанадағы Тілендиев даңғылында КамАЗ жүк көлігі велосипедпен келе жатқан баланы қағып кетті, деп хабарлайды kznews.kz.
Алдын ала мәліметке сәйкес, жүргізуші жанармай құю станциясына бұрылар сәтте жаяу жүргіншілер өткелінен велосипедтен түспей өтіп бара жатқан жасөспірімді байқамаған.
Оқиға салдарынан бала ауруханаға жеткізілді. Қазіргі уақытта жол апатына қатысты тексеру жүргізіліп жатыр.
Айта кетейік, бұған дейін елордада бетон араластырғыш көлік велосипед мінген тағы бір баланы қағып, ол оқиға орнында көз жұмған болатын.
