Бүгін, 15:07
Айтолқын Айханова есімін ресми түрде Барселона деп өзгерткенін мәлімдеді. Ол жаңа туу туралы куәлігін алып, бұл шешімге ұзақ уақыт бойы ойланып келгенін айтты, деп хабарлайды kznews.kz.
Оның айтуынша, атасы туған кезде оған Барселона есімін берген. Алайда 40 күннен кейін аты Айтолқын болып өзгертілген. Енді, араға 36 жыл салып, ол алғашқы есімін қайта қайтарған.
Барселона атасының балалары мен немерелеріне әлемдік спорт жарыстары өткен қалалардың атауын беру дәстүрін ұстанғанын жеткізді. Отбасында Сеул, Сидней және Токио есімді туыстары да бар.
Жаңа құжаттарын алған ол енді өзін Барселона деп атауды сұрады.
