Алматы облысында аудан әкімі мен орынбасары парамен ұсталды

Алматы облысы Талғар ауданында әкім мен әкімінің орынбасары парамен ұсталды. Бұл туралы хабарды YEDILOV ONLINE телеграм каналы таратты.

Хабарламада: «Кейбір мәліметтер бойынша, 2021 жылы 24 қаңтарда Алматы облысының сыбайлас жемқорлыққа қарсы қызметі пара алды деген күдікпен Талғар ауданының әкімі Серікжан Ерекешевті, әкімінің орынбасары Ахмет Ашимахунды ұстады. Және тұрғын үй-коммуналдық шаруашылық бөлімінің бастығы Асқар Шамаев ұстады» деген.

Бір қызығы, Талғар ауданының әкімі осыдан екі күн бұрын жұмыстан босатылған. Бірақ, әкімдік сайтында Серікжан Ерекешев әлі әкім ретінде көрсетіліп тұр, оның жұмыстан босатылғаны туралы ешбір хабарлама жоқ.