Бүгін, 18:38
Бішкектегі мектептердің бірінде 69 жастағы мұғалім мен жоғары сынып оқушысы арасында жанжал болып, ол төбелеске ұласқан, деп хабарлайды kznews.kz.
Оқиға 16 ақпан күні шамамен сағат 11:30-да тіркелген. Бұл туралы Первомай аудандық ішкі істер бөлімінің баспасөз қызметі мәлімдеді.
Полицияға түскен хабарламадан кейін оқиға орнына жедел-тергеу тобы жіберіліп, жанжалға қатысушылардың жеке тұлғалары анықталған. Олар 1957 жылы туған К.Б. және 2010 жылы туған М.К. екені белгілі болды.
Алдын ала мәліметтерге сәйкес, мұғалім оқушыға қатысты арыз түсірген. Өз кезегінде оқушы медициналық көмекке жүгінген.
Қазіргі таңда аталған дерек бойынша тексеру жұмыстары жүргізіліп, қажетті сараптамалар тағайындалған.
