Желтоқсан жаңғырығы сценарий балабақшада

Тәрбиеші: Гүлжанат Ертайқызы Тулкина, Жұмыскер ауылы, Қазан ЖОББМ жанындағы шағын орталық
Тақырыбы: Желтоқсан жаңғырығы
 (Муз. әуенімен балалар залға кіреді)
Тәрбиеші:  Елім менің, тәуелсіз жерім менің,
                     Күннен алған шуақты өмір дәмін.
                     Рухы ұлттың өсіпті өлместей боп,
                   Көк байрағын төбеме көтерген күн!
Құрметті балалар, қадірлі қонақтар! Сіздерді еліміздің Тәуелсіздік күнімен құттықтаймыз.
Сіздерге зор денсаулық, ашық аспан, Отанымызға тыныштық тілейміз.
Ержан: 16-шы желтоқсан —
             Тәуелсіздік алған күн.
            Мерекеге ел тосқан, 
           Атамменен барғанмын.
Мерей: Мерекеге шығады,
             Бүкіл халық, біліп қой.
            Отандастар ұғады,
            Тәуелсіздік — ұлы той.
Сергей: Аралаймын алаңды,
             Тәуелсіздік күнімен.
             Батыр Қайрат ағамның,
             Суретіне үңілем.
Аяжан: 16-шы желтоқсан —
             Тәуелсіздік алған күн
             Мерекені ел тосқан,
             Шырқатып ән саламыз.
Ән “Туған ел”,“Желтоқсан желі”. 
Тәрбиеші: 1986 жылғы желтоқсан көтерілісі-мәңгі тақырып. Қазағымыздың өлмейтін, өшпейтін тарихы ол! «Желтоқсан желі» осы кезеңде інгәләп дүниеге келген ән. Балалар, айтыңдаршы, Қазақстан мемлекеті қай жылы құрылды? Мемлекетіміз қалай аталады?
Тәрбиеші: Дұрыс, Қазақстан. Ендеше Отан жайлы қандай тақпақтар білесіңдер?
Ералы: Бақытты боп жүргенім —
            Сенің арқаң, Қазақстан!
           Елім — менің тірегім,
           Құшағында гүл атам.
Әлім: Сарқылмайтын қуатым,
             Тірегімсің, Қазақстан.
             Мәңгі соғып тұратын,
             Жүрегімсің Қазақстан.
Балгүл: Отанның қасиетті тілін сүйем,
             Отанның құдіретті үнін сүйем.
             Отан, Отан бәрінен биік екен,
             Мен оны мәңгілікке сүйіп өтем!
Әмірбек: Толтырған гүлге даланы,
             Жайнатқан ауыл-қаланы.
             Ардақты атамекенім,
             Отаным-Қазақстаным.
Би “Қара жорға” –ұлдардың орындауында.
Тәрбиеші: Балалар, мемлекет рәміздері туралы кім тақпақ айтады?
Ержан: Аспан түстес көгілдір,
             Тік бұрышты матаның.
            Ортасында төгіп тұр,
            Күн жаяды шапағын.
            Астында оның қалқыған,
            Қыран құстың бейнесі.
             Азат елдің шалқыған,
             Көңілі деп білерсің.
Аяжан: Қатар шапқан қос тұлпар,
               Ай астында қазақ үй.
               Қалықтаған жас сұңқар,
               Шарықтаған таза күй.
              Қара шаңырақ ел күні,
              Асқақтатып тұр мұңы.
              Елтаңбасы елдігім,
              Елдің тыныш тірлігі.
Рәбия: Тәуелсіздік жолында,
              Талай-талай тер төккен.
              Билігің өз қолыңда,
              Еркіндігім, елдігім.
“Әнұран”
Тәрбиеші: Балалар, Қазақстан Республикасының Ел басшысы кім?
-Нұрсұлтан Назарбаев
-Елбасы туралы тақпақ кім біледі?
Ислам: Шықты тарап ой данадан,
              Бері қарады жұлдыз беті.
             Өзі қалап, сайлап алған,
             Елімнің бар президенті.
Мәди: Ол да алмай жанын салды,
               Жету үшін мұндай сыйға.
              Нұрсұлтан ата — ел басшысы,
              Көгіңдегі тудай сыйла.
Би: “Той”-барлық балалар орындауында.
Тәрбиеші: Балалар, астанамыз қандай қала?
Қандай тақпақ білесіңдер?
Мерей: Гүл жайнаған Астана,
              Қазақстан отаны.
              Бірін-бірі сыйлаған,
              Туысқандар отаны.
Тәрбиеші: Балалар, Қазақстан қандай басқа елдермен шекарасып тұр?
-Дұрыс айтасыңдар өзбек, ресей, қытай т.б елдермен көршілес екенбіз.
Орыс биі “Калинка”.
Тәрбиеші: Отан дейміз от жаққан жерімізді.
            Отан дейміз өсірген елімізді.
            Отан дейміз туған жер, атамекен,
            Биік тау, орман, тоғай, көлімізді.
-Отан туралы қандай мақал-мәтелдер білесіңдер?
1.    Туған жер — алтын бесік.
2.    Отан — оттан да ыстық.
3.    Өз елім — өлең төсегім.
4.    Туған жердей жер болмас.
            Туған елдей ел болмас.
5.    Туған жерге туыңды тік.
-Жақсы біледі екенсіңдер, ендеше Отан туралы бір ән орындап берейік.
Ән “Күн дидарлы Қазақстан”
Ералы:  Тарихы бар дастанындай ерліктің,
               Дәстүрі бар үлгісіндей елдіктің.
               Қазақстан-алтын бесік Отаным.
              Ұлы ордасы татулық пен теңдіктің.
Сержан: Ата-бабам жанын қиып қорғаған,
               Тәңірі қолдап, бақ-береке орнаған.
               Қазақстан, азат елсің сен бүгін,
               Ақ тілегін болашаққа арнаған.
Ән “ Қасқалдақ”
Аяжан:   Отан-менің ата-анам.
                Отан-досым, бауырым.
                Отан-өлкем, астанам,
                Отан-туған ауылым.
               Отан-асыл анамыз,
               Ана сүтін ақтаймыз
               Есейгенде ел болып,
               Елді жаудан сақтаймыз.
Ержан: Отан-атам,
               Отан-әкем!
               Осы сөзім қате неге екен?
               Қате болса,
               Неге біздер
               Дейміз оны Атамекен.
Би -Ән шашу.
Тәрбиеші: Бақыт құсы қонды ғой,
                 Бүгін туған жеріме,
                Тіліміз бен дініміз,
                Қайта келді еліме.
Ән “Біз бақытты балалар”  
Тәрбиеші: Осымен бүгінгі ертеңгілігіміз өз мәресіне жетті, бүгінгі Тәуелсіздік мерекесімен барлықтарыңызды шын жүректен құтықтаймыз. Сіздерге отбасыларыңызға амандық, дендеріңізге саулық, осы балапандарыңыз Қазақстанымыздың туын желбірететін, биік шыңынан көрінетін азамат пен азаматша болуға тілектеспіз.

Рахмет ретінде астында тұрған жарнамалардың біреуін басуды сұраймын!