Республика күнімен басқа мемлекеттер Қазақстанды қалай құттықтады?

0
149

Республика күніне орай құттықтау жеделхаттары Тоқаевқа келіп түсті.

▪️Ресей президенті Владимир Путин президент пен Қазақстан халқын Республика күнімен құттықтап, бейбітшілік пен амандық тіледі.

«Қазақстан экономикалық, әлеуметтік, ғылыми-техникалық және басқа да салаларда әсерлі нәтижелерге қол жеткізді, халықаралық істерде маңызды рөл атқарады. Біздің мемлекеттеріміз арасындағы стратегиялық әріптестік пен одақтастық қатынастары табысты дамуда», – делінген жеделхатта.

▪️Қытай Халық Республикасының Төрағасы Си Цзиньпин өз Жолдауында Тоқаевтың бастамасымен жаңа Қазақстанды құру бойынша жүргізіліп жатқан реформаларды жоғары бағалады, сондай-ақ өзінің жақында Астанаға жасаған мемлекеттік сапарының мазмұнды және жемісті сипатын атап өтті.

«Екіжақты қарым – қатынастарды дамытуға көп көңіл бөле отырып, Мен сіздермен бірге Қытай мен Қазақстанның мәңгілік жан-жақты стратегиялық әріптестігі қарым-қатынастарын одан әрі ілгерілету үшін бірлескен күш-жігер жұмсауға дайынмын», — деп жазады Си Цзиньпин.

▪️Түркия президенті Режеп Тайып Ердоған Президенттің атына берген құттықтауында достық және бауырлас Қазақстанның тәуелсіздігін бірінші болып мойындаған Түркияда соңғы 30 жылда елдің барлық салада қол жеткізген жетістіктерін қуана бақылап отырғанын атап өтті.

«Біз екі халықтың игілігі үшін ортақ тілдік, мәдени және тарихи байланыстармен нығайтылған, кеңейтілген стратегиялық әріптестік деңгейіне жеткен қарым – қатынастарымызды дамытып, тереңдетуге ниеттіміз», — деп атап өтті Ердоған.

▪️Франция президенті Эммануэль Макрон елдер арасындағы дипломатиялық қатынастардың орнағанына 30 жыл толуына орай екіжақты диалогтың қарқынды дамуына өте қуанышты екенін атап өтті.

«Біз сіз жүргізіп жатқан саяси, экономикалық және әлеуметтік реформалардың өршіл бағдарламасын үлкен қызығушылықпен қадағалап отырмыз және Францияның оларды жүзеге асыруда сізді қолдауға дайын екендігіне сендіргіміз келеді», – делінген Макрон жеделхатында.

▪️Тәжікстан президенті Эмомали Рахмон өзінің құттықтау жеделхатында өзара құрмет пен сенімнің берік тарихи байланыстарына негізделген қазақ-тәжік қарым-қатынастарының жан-жақты дамуына ризашылығын білдірді.

▪️Түрікменстан Президенті Сердар Бердімұхамедов пен Түркіменстан Халк Мәслахатының төрағасы Милли Генгеш Гурбангулы Бердімұхамедов өз Жолдауларында түрікмен-қазақ стратегиялық әріптестігі алдағы уақытта да екі халықтың игілігі үшін серпінді дамитынына сенім білдірді.

▪️БҰҰ Бас хатшысы Антонио Гутерриш Қазақстан халқын және Қасым-Жомарт Тоқаевты Республика күнімен құттықтады.  
 
«Осы ерекше күні Біріккен Ұлттар Ұйымы Қазақстан Республикасының барлық азаматтары сын — қатерді қабылдайды, орнықты даму мақсаттарына жету жолындағы ілгерілеуді жеделдетеді және барлық адамдар үшін жақсы, әділ және мейірімді әлем құрады деп сене алады», — деп атап өтті БҰҰ Бас хатшысы.

▪️Тоқаевқа құттықтауларын Иран президенті Ибрагим Раиси, Моңғолия Президенті Ухнаагийн Хурэлсух, Австрия президенті Александр Ван дер Беллен, Хорватия Президенті Зоран Миланович, Португалия Президенті Марсела Ребела де Соуза, Сербия Президенті Александр Вучич, Сингапур Президенті Халима Якоб, атқару комитетінің төрағасы – ТМД Атқарушы хатшысы Сергей Лебедев, бас хатшы Ислам ынтымақтастығы ұйымдары Хиссейн Брахим Таха жіберді.

Құттықтау жеделхаттары келіп түсуде.

Ақпарат: t.me/orda_kz
Фото: Қуаныш Сапарбаев