Алматыда әл-Фараби атындағы ҚазҰУ-да тағы бір студент қайтыс болды
RU KZ

Бізбен байланыс

Мекен-жай
ҚР, Астана қаласы, Әбікен Бектұров көшесі, 4/3
Телефон
+7 701 933 8520
Email
aktan.yeltay@gmail.com
WhatsApp
+7 701 933 8520

Біздің әлеуметтік желілер

"Шетелден импорттау мемлекет мүддесіне қайшы": Бектенов министрлер мен әкімдерге ескерту жасады

"Шетелден импорттау мемлекет мүддесіне қайшы": Бектенов министрлер мен әкімдерге ескерту жасады
Фото: primeminister.kz

Бектеновтың айтуынша, егер белгілі бір тауар Қазақстанда өндірілсе, оны сатып алмай, шетелден импорттау мемлекет мүддесіне қайшы келеді.

Үкімет отырысында Премьер-министр Олжас Бектенов Мемлекет басшысы Қазақстан халқына Жолдауында отандық өнімдер мен компаниялардың бәсекеге қабілеттілігін арттыру, елімізде шығарылатын өнімдерге, оның ішінде мемлекеттік сатып алу арқылы кепілді сұранысты қамтамасыз ету қажеттігіне ерекше назар аударып отырғанын мәлімдеді, деп хабарлайды kznews.kz.

«Отандық өндірісті дамыту және ішкі нарықты қорғау – Үкіметтің экономикалық саясатының теңдессіз басымдығы. Мемлекет басшысы атап өткендей, күшті әрі бәсекеге қабілетті нақты сектор мен отандық тауар өндірушілерге арқа сүйемей, қуатты экономика құру мүмкін емес. Алға қойылған мақсаттарды жүзеге асыру аясында биыл Қазақстанда жалпы құны шамамен 1,7 триллион теңгені құрайтын 200-ге жуық жаңа өнеркәсіптік кәсіпорынды іске қосу жоспарлануда. Біздің міндетіміз – отандық зауыттар мен фабрикалар үшін өнімдерін тұрақты өткізуге, қаржыландыру тетіктеріне қол жеткізуге және әділ бәсекелестік жағдайларына кепілдік беру», - деді Олжас Бектенов.

Оның айтуынша, егер белгілі бір тауар Қазақстанда өндірілсе, оны сатып алмай, шетелден импорттау мемлекет мүддесіне қайшы келеді.

«Мұны үзілді-кесілді айту керек. Өңір басшылары мен үкімет мүшелері, осыны ескеріңіздер», – деп ескертті Олжас Бектенов.

Автор
Жарқын Омаров

C.Торайғыров атындағы Павлодар мемлекеттік университетінің Журналистика факультетінің түлегі. Журналистика саласында 20 жылдан бері еңбек етіп келеді. Салалық, республикалық басылымдарда, интернет-порталдарда түрлі қызметтер атқарған. 2025 жылдан бері kznews.kz тілшісі