Қазақша өлең: Исмағұлов Сабыржан (Өлмейсің арпалыссаң арың үшін)
25.02.2019
23:50
0
1
Ақынды ел сыйлайды арыны үшін.
Болған соң елден ерек дарыны шын.
Отанға деген ыстық махаббатым,
Кернейтін кең кеудемді жарылысым.
Жаратқан құдайыма тəубе деймін,
Отаным Қазақстан барың үшін.
Жалғаған ұлы жолын көктүріктің,
Кешегі сақ пен ғұнның сарынысың.
Соғыс пен ашаршылық желтоқсанның,
Əліде ұмытпады зарын ішім.
Сол кезде бабаларым жан бердіңдер,
Ел мен жер бала-шаға жарың үшін.
Ұмытпай ұлықтайды ұрпақтарың,
Таныйды батырым деп бар ұлысың.
Ерлігі бабалардың бізге үлгі,
Қайтатын есе кетсе қарымы шын.
Күймейсің отқа түссең отан үшін,
Өлмейсің арпалыссаң арың үшін.
(0)
Бұл жерде әлі ештеңе жоқ
