Тойханада тілек айтуға шығып, оқ атқан: Елді дүрліктірген жігіт кешірім сұрады (видео)

0
12972

Қазнетте үйлену тойының видеосы пайда болды, онда қонақтардың бірі төбеге тапанша атады.

Тергеу барысында оқиғаның Алматы облысында болғаны анықталды. Қонақ ашуланғаннан емес, керісінше, эмоцияға беріліп оқ атқан.

Полиция видеоға қызығушылық танытты. 26 жастағы алматылық жарық-шу патрондарын қолдана отырып, сигналдық тапаншадан оқ атқанын анықтады.

“Қазіргі уақытта ҚР ӘҚБтК-нің 436-бабы 1-бөлігі (Елдi мекендерде атыс қаруынан, газды, пневматикалық, лақтырылатын және электрлі қарудан оқ ату, пиротехникалық бұйымдарды қолдану) бойынша әкімшілік өндіріс басталды. Сигналдық тапанша алынды, оған сараптама тағайындалады”, – деді Алматы облысы ДП баспасөз қызметі.

Той ұйымдастырушы мен мейрамхана әкімшілігі де тексеріліп жатыр.

Ұсталған адам көпшілік алдында кешірім сұрады және мұндай жағдай енді қайталанбайды деп уәде берді.